म आउँछु, आउदा आँधि तुफान बोकी आउँछु
अध्यारोलाई चिर्दै नयाँ बिहान बोकी आउँछु…
को-को छौ याँ फूल टिपेर कानमा सिउरी हिड्ने
निर्दयीको लागि सिङ्गो बगान बोकी आउँछु…
शरमले कि त डरले झुक्छन् आँखाहरु
हिमालजस्तो ठाडो शिर ईमान बोकी आउँछु…
देश चल्दैन पेट भर्दैन फगत् भावनाले
छातीभित्र एउटा कठोर चट्टान बोकी आउँछु…
ईश्वर खोज्दै संसार घुम्यौ तिमी कठैबरा
हेर म त आँफै भित्र भगवान बोकी आउँछु…
धेरै भयो सुनाएको पिडा तिमीलाई
यसपाली ओठमा मिठो मुस्कान बोकी आउँछु…
एकलख्खेको कुनो 